Ростуризм Төркиядә Зика вирусы эләктерү куркынычы барлыгы турында кисәтә
Авыруны таратучылар Төркиянең Артвин, Ризе һәм Трабзон шәһәрләре яр буйларында табылган.
(Казан, 29 гыйнвар, “Татар-информ”). Дәүләт федераль туризм хезмәте Төркиядә Зика вирусы эләктерү куркынычы барлыгы турында кисәтә. Бу хакта “Российская газета” яза.
Ведомство Төркиягә ял итәргә баручы россиялеләрне Зика вирусын Кара диңгез яр буйларында черкиләр таратуы мәгълүматын истә тотарга киңәш итә.
Туроператорларга үз клиентларына әлеге хәлне аңлату кирәклеге искәртелгән.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте куркыныч авыруны таратучылар Төркиянең Артвин, Ризе һәм Трабзон шәһәрләре яр буйларында табылуын җиткерде. Төркия хөкүмәте вирус таратучы черкиләрне бетерү буенча эш алып бара.
РИА “Новости” хәбәр итүенчә, Төркия Сәламәтлек саклау министрлыгы хәбәрендә анализ черкиләр вирус таратмавын күрсәткән, дип белдергән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев