Рөстәм Миңнеханов: белгечләр безнең вакцинаны иң уңышлысы дип раслый

Галимнәр һәм тикшеренүчеләр раслаганча, коронавирустан Россия вакцинасы — бүгенге көндә эшләнгән барлык вакциналар арасында иң нәтиҗәле һәм уңышлысы. Татарстанда коронавируска каршы вакциналау тайпылышларсыз уза. Бүген бу хакта Татарстан Республикасы Президенты Рөстәм Миңнеханов IV чакырылыш Чаллы шәһәр Советының бишенче утырышында хәбәр итте.

"Белгечләр безнең вакцинаның иң уңышлы, иң нәтиҗәле булуын раслый. Мин рәсми рәвештә вакциналанган кешеләрндә нинди дә булса тайпылышлар, проблемалары юк дип ышандыра алам. Безнең сәламәтлек саклау системасы эшендә мондый очракларны без әлегә күрмибез", - дип ассызыклады ул.

Татарстанда «Спутник V» препараты белән Covid-19дан күпләп вакциналау уза. ТР Президенты республиканың 1,5 млн кешесенә вакцина ясау бурычын куйды. Бүгенге көндә коронавирустан 48 мең 204 татарстанлы прививка ясаткан.

Казанда шәһәрнең барлык амбулаторияләрендә дә яңа коронавирус инфекциясеннән прививка ясатырга мөмкин. Шулай ук Covid-19дан «Мега»сәүдә үзәгендә вакциналау узарга була.

Тулырак: ТИ