Табиб коронавирус инфекциясен кабат йоктыру очраклары турында аңлатты
Инфекцияне кабат йоктыру очраклары еш кына хаталы нәтиҗә яки беренче тапкыр авыруның дәвамы була, вирус исә йоткылыкта бер ай чамасы булырга мөмкин.
(Казан, 10 декабрь, «Татар-информ»). Коронавирусны яңадан йоктыру очракларының күпчелеге Covid-19 түгел, ә инфекцияне чыннан да кабат эләктерсәң, авыру җиңелрәк уза. Бу хакта РИА Новости агентлыгы Шамир Асаф А Рофе хастаханәсенең (Израиль) терапевтика бүлеге мөдире, табиб-инфекционист Галина Гольцманга сылтама белән хәбәр итә.
«Күп кенә кешеләрдә күзәтүебезчә, иң элек пациентта тестның нәтиҗәсе тискәре булуы ачыклана, ә берничә көннән соң анализ алгач, ул тагын уңай, соңыннан тагын тискәре була. Ягъни без вирусның йоткылык өстендә бер айга кадәр калуын беләбез», - дип белдерде табиб.
Бүгенге көндә инфекцияне кабат йоктыруга бәйле берничә дистә очрак бар һәм гомуми сан белән чагыштырганда ул бик аз, дип искәртте Гольцман. Аның сүзләренчә, коронавирусны чыннан да яңадан эләктергән очракта пациент авыруны җиңелрәк кичерә, чөнки иммун система актив рәвештә антитәнчекләр барлыкка китерә.
Узган атнада Израильдәге гаммәви мәгълүмат чаралары илдә коронавирус инфекциясен икенче тапкыр йоктырган пациентның вафат булуы хакында хәбәр иткән иде. Әмма соңгы мәгълүматлар инфекцияне яңадан эләктерү фактын шик астына куя.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев