Табиблар арахисның иң хәтәр чикләвек булуы турында кисәтә
Чикләвек – иң көчле аллергия бирә торган продуктларның берсе.
Җир чикләвеген (татарчага тәрҗемәсе шундый) күпләр үлеп ярата. Әмма аны артык күп ашарга ярамый, дип кисәткән табиб-диетолог Светлана Панченко.
Белгеч әйтүенчә, иң хәтәр чикләвек бу. Җирдә үсүче чикләвек нигә шулай хәтәр соң?
Беренчедән, иң көчле аллергия бирә торган продуктларның берсе икән ул. Икенчедән, анда күгәрек гөмбәчекләре пәйда булырга мөмкин. Ә аларның, әлбәттә инде, сәламәтлеккә зыян ясау ихтималы гаять зур. Өченчедән, арахиста (гомумән, барлык чикләвекләрдә) фитин кислотасы бар. Монысы организмга ризыктагы кайбер микроэлементларны, аеруча кеше өчен бик тә кирәкле тимерне үзләштерүгә комачаулый.
Шуңа күрә, табиб киңәш иткәнчә, чикләвекне башта берничә сәгать буе суда тотканнан соң гына, киптереп, ашарга кирәк.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев