Тагын 30 кеше коронавирус йоктырган

14 кеше хастаханәләргә урнаштырылды, 16 кеше өйләрендә дәвалана, дип хәбәр итә ТР коронавируска каршы көрәш штабы.

Авыртучылар санына килгәндә Казанда – 11 кеше, Яр Чаллыда – 8, Бөгелмәдә – 7, Лениногорск, Минзәлә, Спас һәм Тукай районнарында  берәр кеше ковид йоктыруы ачыкланган.

7 июньгә Татарстанда барлыгы 21 696 COVID-19 очрагы теркәлгән, шулардан 18 685 кеше сәламәтләнгән.

Барлыгы 395 155 кеше вакциналаштырылган, шуларның 280 334е икенче прививканы да ясаткан.

Исегезгә төшерәбез, вакцинацияләүгә язылуның 5 ысулы:
1. РФ Дәүләт хезмәтләре бердәм порталы аша.
2. Татарстан Республикасы дәүләт һәм муниципаль хезмәтләр порталы аша.
3. Бердәм 122 номерына шалтыратып.
4. КФҮкә мөрәҗәгать итеп.
5. Контакт телефоннары буенча поликлиникага мөрәҗәгать итеп.

Үзегезне һәм якыннарыгызны саклагыз, авырмагыз!