Тагын 85 татарстанлы короновирус йоктырган, бездә ничәү дә, күршеләрдә ничәү?

Узган тәүлектә Татарстанда 85 кеше COVID-19 вирусын йоктырган, аларның дүртесе вирусны читтән алып кайткан, 81е авыручылар белән элемтәдә булган. Авыручыларның 38е стационар, ә калган 47се амбулатор рәвештә дәваланалар.

Авыруны иң күп йоктыручылар һаман да 30яшьтән 50 яшькә кадәрге пациентларга туры килә, алар 25 очрак тәшкил итә. 50-60 яшьтәгеләр арасында 19, 60-70 яшьлекләр унсигез, 18-30 - 10, 70-80 яшьлекләр - 7, 80-90 яшьлекләр -5  һәм 18 яшькә кадәргеләр арасында бер очрак теркәлгән.

Яшәү урыннары буенча караганда, коронавирусны Казанда  - 34, Яр Чаллыда 25, Түбән Камада - 11, Алабуга, Биектауда - 2  Арча, Алексеевск, Аксубай, Әлки, Әлмәт,  Буа, Чүпрәле, Яшел Үзән, Минзәлә, Сарман, Тукай районнарында берәр кеше йоктырган.

Республикада, пандемия башыннан бирле 1671 ватандашыбыз яңа таҗлы вирус йоктырган, 447 кеше терелгән шуның 107се узган тәүлеккә туры килә, 5 кеше вафат булган.

Райондашларыбызны үзизоляция таләпләренә җаваплы карарга чакырабыз. Үзегезне һәм якыннарыгызны саклагыз.