Таиландтан Казанга кайткан туристлар «Ливадия»дә беренче медицина тикшерүе узды
Шифаханәгә барлыгы 111 турист урнаштырылды, алар ике атна карантинда булачак.
(Казан, 17 апрель, «Татар-информ»). Таиландтан Казанга кайткан туристлар «Ливадия» шифаханәсенә урнаштырылды. Иртән алар беренче медицина тикшерүе узды һәм пациентлардан Covid-19 коронавирусына анализ алдылар. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.
«Таиландтан кайтучылар арасында Самара, Киров, Пермь, Пенза кебек күрше төбәкләрдә яшәүчеләр дә бар», - диде ул. Шифаханәгә барлыгы 111 турист (шуларның 17се – балалар) урнаштырылды, алар ике атна карантинда булачак. Аерым алганда, көненә ике мәртәбә аларның температураларын үлчәячәкләр.
Кичә «Казан» халыкара аэропортына Таиландтан Россия туристлары утырган самолет төште. Роспотребнадзорның ТР буенча идарәсе хезмәткәрләре очкычта күчерелмә тепловизор ярдәмендә санитар-карантин контроле үткәрде.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев