Татарстанда 33 яңа COVID-19 очрагы расланган

Узган тәүлектә республикада 33 яңа COVID-19 очрагы расланган, шуларның 2се – читтән кертелгән, 31е – элемтә элемтә юлы белән йоктырылган. 3 кеше хастаханәгә урнаштырылган, 30ы өйдә дәвалана.

Авыручылар арасында күпчелек урта яшьләрдәгеләргә туры килә - бүген 30 яшьтән 50 яшькә кадәр 13 кеше авырый.

Шәһәр һәм районнар буенча карасак: Казанда – 22, Арчада – 3, Лаеш, Питрәчтә – 2шәр, Яр Чаллы, Әлки, Яшел Үзән һәм Кама Тамагында берәр кешедә коронавирус табылган.

29 июльгә Татарстанда барлыгы 5534 COVID-19 очрагы теркәлгән, 4436 кеше, шул исәптән 39ы-узган тәүлектә сәламәтләнеп тулы тормышка кайткан.

Үзегезне һәм якыннарыгызны саклагыз.