Татарстанда бүген тагын ике кеше коронавирустан үлгән
Бүгенге көндә республикада Covid-19 инфекциясеннән барлыгы 119 үлем очрагы теркәлгән.
(Казан, 12 ноябрь, «Татар-информ»). Бүген Татарстанда яңа коронавирус инфекциясеннән ике үлем очрагы теркәлгән. Бу хакта ТР Сәламәтлек саклау министрлыгының матбугат хезмәте хәбәр итә.
1973 елда туган ир-ат хастаханәгә коронавирус инфекциясе белән китерелгән, аның хәле пневмониядән катлауланган булган. Хәле хроник авырулары кискенләшүе аркасында начарланган.
1963 елда туган хатын-кыз хастаханәгә пневмония диагнозы белән салына, аның хроник авырулары булган.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», - диелгән хәбәрдә.
Бүгенге көндә республикада Covid-19 инфекциясеннән119 үлем очрагы теркәлгән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев