Татарстанда коронавирус инфекциясенең тагын 86 очрагы теркәлгән
Узган тәүлектә 82 кеше терелгән.
(Казан, 22 гыйнвар, «Татар-информ», Эвелина Киселёва). Татарстанда соңгы тәүлектә Covid-19 коронавирус инфекциясе йоктыруның 86 яңа очрагы ачыкланган.
«Узган тәүлектә республикада яңа коронавирус инфекциясенең 86 очрагы теркәлде. Шул рәвешле, инфекция йоктырган кешеләрнең гомуми саны 15 мең 275кә җитте», - диде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина.
«Татар-информ» агентлыгында узган матбугат конференциясендә Авдонина әйткәнчә, белгечләр бер тәүлек эчендә коронавирус инфекциясенә 8 мең 343 тест үткәргән. 3470 кеше табиблар күзәтүендә кала.
Татарстан сәламәтлек саклау министры урынбасары Владимир Жаворонков бер тәүлек эчендә республикада 82 кешенең коронавирустан терелүен әйтте. Барлыгы 11 мең 659 кеше савыккан.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев