Татарстанда тагын 36 кеше коронавирус инфекциясе йоктырган
Узган тәүлектә республикада 4 230 кеше коронавируска каршы прививка ясаткан.
Татарстанда соңгы тәүлектә Covid-19 коронавирус инфекциясе йоктыруның 36 яңа очрагы ачыкланган.
ТР Сәламәтлек саклау министрлыгының матбугат хезмәтеннән хәбәр итүләренчә, аларның бөтенесе дә чирне башка авырулар белән аралашу нәтиҗәсендә эләктергән.
«20 кеше хастаханәгә озатылган, 16 кеше өендә дәвалана», - диелә ведомство хәбәрендә.
Казанда – 20, Чаллыда – җиде, Бөгелмә районында – дүрт, Әгерҗе районында – ике, Баулы, Чүпрәле һәм Менделеевск районнарында берәр очрак ачыкланган.
Шул рәвешле, пандемия башланганнан алып республикада коронавирус инфекциясенең 19 633 очрагы ачыкланган, 16 664 кеше терелгән.
Республикада барлыгы 152 787 кеше (шуларның 4 230ы – узган тәүлектә) коронавируска каршы прививка ясаткан.
Тулырак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев