Татарстанда тагын өч кеше коронавирустан вафат
Covid-19 инфекциясеннән үлүчеләрнең гомуми саны республикада 131гә җиткән.
(Казан, 22 ноябрь, «Татар-информ»). Татарстанның тагын өч кешесе Covid-19 коронавирусы корбаны булды. Бу хакта ТР Сәламәтлек саклау министрлыгының матбугат хезмәте хәбәр итә.
«Татарстанда коронавирус инфекциясеннән өч үлем очрагы расланды», – диделәр министрлыкта.
Аерым алганда, 1944 елда туган ир-ат вафат булган. Ул ике яклы пневмониядән катлауланган коронавирус белән хастаханәгә салына. Ир-ат хроник авырулардан җәфа чиккән.
Covid вирусының тагын бер корбаны - 1949 елда туган ир-ат хастаханәдән тыш пневмония белән йогышлы авырулар госпиталенә керә. Аның шулай ук хроник авырулары булган.
1957 елда туган ир-ат та хастаханәдән тыш пневмония белән дәвалануга салына. Аның хәле йөрәк-кан тамырлары авырулары кискенләшүе халәтендә катлауланган.
Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән, диделәр ведомствода.
Шулай итеп, 22 ноябрьгә Татарстан халкының Covid-19 коронавирусыннан 131 үлем очрагы теркәлгән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев