Татарстанда тәүлек эчендә коронавирус йоктыруның 84 яңа очрагы расланган

Республика буенча 1 очрак читтән кертелгән, 83е аырулар белән элемтә нәтиҗәсе. 28 кеше хастаханәгә салынган, 56сы өйдә дәвалана, аларның хәлләре җиңел яки авыруны симптомсыз гына кичерәләр.

Яшь төркемнәре буенча, 30дан 50 яшькә кадәр - 25, 18-30 һәм 60-70 яшьлекләр - унбишәр, 50-60 - 12, 70-80 - 9, 80-90 яшьлек 5 кеше короновирус йоктырган.

Авыручылар Казанда - 51, Апас районында - 10, Яр Чаллыда - 8, Биектауда - 5, Түбән Камада - 4, Яшел Үзән һәм Лаешта икешәр, Зәй һәм Тукай районнарында берәр теркәлгән. Шөкер безнең районда табылмаган.

Барлыгы 15 майга Татарстанда 2064 COVID-19 очрагы теркәлгән, 1006 кеше савыгучылар  рәтендә, шуның 163е соңгы тәүлеккә туры килә.

Үзегезне һәм якыннарыгызны саклагыз.