⚡☣ Татарстанда янә 30 кешедә коронавирус табылган

Татарстанда тәүлек эчендә 30 кеше коронавирус белән зарарланган, шуларның өчесе – читтән кертелгән. 8 кеше хастаханәгә урнаштырылган, 22 кеше өйдә дәвалана. Барлыгы 21 июльгә Татарстанда 5 278 COVID-19 очрагы теркәлгән, 4 139 кеше сәламәтләнгән, шуларның 35е – узган тәүлектә.

Вирус йоктыручылар Казанда – 9; Яр Чаллыда – 4; Әлмәттә – 2. Югары Ослан, Лаеш һәм Питрәч районнарында – өчешәр; Бөгелмә, Алабуга, Яшел Үзән, Түбән Кама, Саба һәм Тукай районнарында – берешәр кеше исәпләнә.

Коронавирус йоктыручыларның яшенә килсәк, күпчелекне 30 яшьтән 70 яшькә кадәр ватандашларыбыз тәшкил итә: 30 яшьтән 50 яшькә кадәр – 10, 60тан 70кә кадәр – 5, 50 яшьтән 60 яшькә кадәр – 4, 18дән 30 яшькә кадәр – 4, 18 яше тулмаган 2 балада, 70тән 80 яшькә кадәр 3 һәм 80 яшьтән 90 яшькә кадәр 2 кешедә табиблар COVID-19 тапканнар.

Коронавирус беркая да китмәде, ул безнең арада... Үзегезне һәм якыннарыгызны саклагыз!

Фото: pixabay.com/ru