Татарстанда янә коронавирус инфекциясе йоктыручыларның максималь саны теркәлде
Шул рәвешле, пандемия башланганнан алып республикада коронавирус инфекциясенең 28 848 очрагы рәсми рәвештә расланган.
Татарстанда узган тәүлектә янә коронавирус очракларының рекордлы саны - 132 очрак теркәлде.
ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.
«30 кеше хастаханәгә озатылган, 102 кеше өендә дәвалана», - диелә ведомство хәбәрендә.
Казанда – 63, Чаллыда – 27, Әлмәттә 10 очрак ачыкланган. Республиканың барлыгы 18 муниципалитетында коронавирусның яңы очраклары теркәлгән.
Шул рәвешле, 2021 елның 19 октябренә булган мәгълүматлар буенча, пандемия башланганнан алып республикада коронавирус инфекциясенең 28 848 очрагы рәсми рәвештә расланган, 24 242 кеше (шуларның 84е – узган тәүлектә) терелгән.
Республикада барлыгы 1 280 556 кеше (шуларның 22 110сы – узган тәүлектә) коронавируска каршы прививка ясаткан. 988 612 кеше икенче дозаны да алган.
Чыганак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев