Виноград яман шешне кисәтә, йөрәк-кан тамыры авыруларыннан саклый

Анда иммунитетны ныгыта торган антиоксидантлар күп, ди белгечләр. Кара виноградта алар аеруча күп. Виноградның моннан тыш та файдалы үзлекләре бихисап.

✅ Виноград составындагы үсемлек эстрогеннары төркеменнән булган ресвератрол дип аталган матдә күзәнәкләргә зыян китерә торган кушылмаларга каршы көрәшергә сәләтле;

✅ ул холестерин күләмен киметә, кан тамырларында ялкынсынуны баса;

✅ виноград – бик яхшы витаминнар чыганагы. Виноград төшендә булган А, Е һәм К витаминнары, шулай ук табигый май күзәнәкләрне ныгытуга һәм яшәртүгә ярдәм итә;

✅ составындагы кофе кислотасы, кверцетин һәм мирицетин кебек фенол тоташтыргычлар организмны онкология авыруларыннан да саклый;

✅ виноград сәламәтлек өчен файдалы булган башка үзлекләргә дә ия. Анда целлюлоза, шикәр һәм кислоталар катнашмасы табигый йомшарткыч булып тора;

✅аның составындагы минераллар теш һәм сөякләрне ныгытырга булыша.

Тискәре йогынтысы булуы ихтимал, алдан табиб белән киңәшләшү мөһим!

Ватаным Татарстан

Фото: pixabay.com/ru