Айгөл белән Зөлфиянең эшләре Министрлар Кабинетында бәяләнде

Шушы көннәрдә ТР Министрлар Кабинетында Премьер-министрның беренче урынбасары Алексей Песошин Салавыч авыл җирлегенең хәрби исәп буенча инспекторы Айгөл Зарипова һәм "МДСУ-1" оешмасының кадрлар буенча инспекторы Зөлфия Галиеваны котлап, Мактау таныклыгы һәм кыйммәтле бүләкләр тапшырды. Район башкарма комитеты җитәкчесенең мобиль эшләр буенча ярдәмчесе Рамил Нургалиевның да шушы юнәлештә башкарган эше югары бәяләнеп, аңа да истәлекле бүләк насыйп булды. Әлеге конкурс ел саен үткәрелеп килә, быел да аның дәвамы булачак. Эшләрен югары дәрәҗәдә башкаручылар шулай ук бүләксез калмаячак.