Балтачта Питер таллары үсә

Гомере буе Ленинград шәһәрендә яшәп, лаеклы ялга чыккач, туган авылы Шодага кайтып төпләнә ул. Кайткан чакта гомер буе яшәгән шәһәренең истәлеге булыр дип берничә тал үсентесе алып кайта. Ул еллардан инде шактый вакыт узды. Хәзер бу агачлар авылдыгы бик күп капка төбен бизәп утыра. Хәтта күрше авыллардан сорап килүчеләр дә бар. Әле алай гына да түгел, кунакка кайткан һәркем аңа кызыгып, Шәйдулла абыйга үсенте сорап килә, ул исә бик теләп аларга Питер талларының үсентесен бүләк итә. Безнең талларга караганда күпкә купшырак булган бу агач Татарстанга кайткач әнә шулай тиз арада танылу алды.