Тагын янгын, зур янгында зыян күрче дә бар... (+видео)

Казанның Мәскәү районында зур янгын белән көрәштеләр. Ялкын телләре 100 кв.метр мәйданга таралган.

Татарстаның МЧС идарәсе хәбәр итүенчә, Автосервисная урамында буяу салынган зур савытлар яна. Урында янгын сүндерүчеләр эшли.

Казанның Автосервис урамында чыккан янгында бер кеше зыян күргән, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

Моңа кадәр агентлык Казанның элеккеге 3нче тимер-бетон эшләнмәләр заводы территориясендә ягулык мичкәләре януы хакында хәбәр иткән иде. Янгынның мәйданы 100 квадрат метр тирәсе тәшкил иткән. Ут белән көрәшүчеләр 9.41 сәгатьтә янгынны сүндергән.

Янгында 32 яшьлек шәхси предприятие хезмәткәре зыян күргән. Балтыры һәм аркасы пешкән ир-атны Республика клиник хастаханәсенә озатканнар.  

Тулырак: В Казани крупный пожар: горят емкости с краской (ФОТО)