Татарстанда фермерны ат таптаган
Нечкә эчәклеге ярылган ир-ат хәзер реанимациядә ята.
Татарстанның Лаеш районында 46 яшьлек фермерны ат таптаган. Ат хуҗасыннан куркып калган һәм тыңламый башлаган. Бу турыда «Татар-информ» хәбәр итте.
Өркегән хайван өстендәге җайдакны егып төшергән, аннары үзе дә ир-ат өстенә егылган.
Авыр хайван өстенә төшкәч, фермерның нечкә эчәклеге ярылган. Аны шунда ук Республика клиник хастаханәсенә китергәннәр. Табиблар аңа операция ясаган.
Хастаханәнең матбугат хезмәте хәбәр иткәнчә, фермер хәзер реанимациядә ята. Аның хәле катлаулы, табиблар аны берөзлексез күзәтеп тора, диелә хәбәрдә.
Фото: Салават Камалетдинов
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев