Җәй ахырында Татарстанда яшәүчеләр рәттән 3 көн ял итәчәк

Җәйнең өченче аенда соңгы эш атнасы Татарстанда яшәүчеләр өчен 4 көнлек кенә булачак.

30 августта Республика көне билгеләп үтелүгә бәйле бу. “Татар-информ” Хезмәт, Халыкны эш белән тәэмин итү һәм социаль яклау министрлыгының производство календаре мәгълүматларына таянып, шул хакта искәртә.

“Татарстан Республикасында бәйрәм көннәре һәм истәлекле көннәр турында” закон нигезендә, 30 август – Республика көне бездә ял көне, бәйрәм көне булып тора. Шуңа күрә җәй ахырында рәттән 3 көн (30 һәм 31 августта, 1 сентябрьдә) ял итәчәкбез. Хезмәт кодексы нигезендә, бәйрәм алдыннан килүче эш көне озынлыгы бер сәгатькә кыскара. Димәк, пәнҗешәмбе – 29 августта 1 сәгатькә кимрәк эшләячәкбез, дигән сүз.

Чыганак: https://vatantat.ru/2024/08/149323/
© Ватаным Татарстан