Хезмәт

Азат Фазлыев: "Яшәтәсе килде сине-әни!!! Тик, булмады..."

Алсу һәм Азат Фазлыевлар гаиләсе кайгылы хәбәр белән уртаклаша: озак еллар яман чир белән көрәшеп килгән Зөлфирә апа вафат булган.

"Яшәтәсе килде сине-әни!!! Тик, булмады... Син дөньяда иң сабыр, ин көчле, мәрхәмәтле әни!!! Яратабыз сине!!! Гафу ит, тырыштык.... ләкин киттең... Тыныч йокла әнием" дип күңелендәге авыртуы белән бүлешә Азат.

Хәтерләсәгез, җырчы Азат һәм Алсу Фазлыевларның әниләренә ярдәм кирәк дип бик күп матбугат чарасы язды. Бөтен дөнья акча җыешты. Якыннары миллионлаган бурычлар алды. Ел башында җыелган акчаларга Зөлфирә ханымны Төркиягә озаттылар. Аннан өметләнеп кайтканнар дип тә хәбәр иткән идек.

Соңрак билгеле булганча, Азат Фазлыев авыру бала тәрбияләүче Миңнуллиннар гаиләсенә әнисен терелтү өчен ярдәм йөзеннән үткәрелгән хәйрия концертында җыелган 3600$ (якынча 230000 сум) акча тапшырган иде. Ул вакытта да бары тик яхшыга гына өметләнгән идек. Кызганычка каршы булмады...

Тулырак: matbugat.ru

Фото: vk.com

Реклама
Нравится
Поделиться:
Реклама
Комментарии (0)
Осталось символов: