Бу салатны көн дә ашагыз!
Көзге яшелчәләр витаминга аеруча бай, сәламәтлегегезне ныгытып калыгыз!
Көз — витаминга бай, яшелчә-җимеш өлгергән вакыт. Салатның да төрлесен ясарга була, тик иренмә генә. Бүген, дуслар, җиңел генә рецепт тәкъдим итәбез.
Моның өчен 300 грамм кәбестә, 2 кишер, 1-2 дайкон яисә топинамбур, 1-2 тырнак сарымсак, яшел петрушка, 3 кашык үсемлек мае, тәменчә тоз кирәк булыр.
Кәбестәне озынча турап, кул белән җиңел генә уабыз. Чистартылган чи кишерне озынчалап кыргычтан үткәрәбез. Дайконны, яки топинамбурны вак кыргыч аша чыгарабыз. Петрушканы вак кына итеп турыйбыз.
Барысын да бергә тирән савытка салып, ваклап туралган сарымсак кушабыз һәм яхшылап бутыйбыз. Табынга чыгарганда тоз һәм үсемлек мае кушабыз.
Мондый салат витаминга бик бай була. Аны атнасына берничә тапкыр әзерләп ашарга тырышыгыз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев