Чананы – яздан, теплицаны көздән әзерләгез
Чананы – яздан, ә менә теплицаны көздән әзерләп куйсаң яхшы. Артык салкыннарга киткәнче бер эшегезне тәмамлап кую өчен хәзер менә дигән вакыт.
1 . Теплицадагы корыган үләннәрне җыеп алырга. Туфракның 7 сантиметр чамасы өске катламын җыеп ташларга. Бу бик сәер тоелыр, әмма ул сезгә чүп үләннәренең орлыкларыннан һәм корткыч бөҗәкләрдән котылырга ярдәм итәчәк.
Туфракны тирес, торф яки көл сибеп яхшылап казыгыз. Аннары түтәл өстенә салам түшәп чыгыгыз. ⠀
Кышын теплицага кар кертегез. Бу, бердән, туфракны дым белән туендыра, икенчедән, андагы туфракның кышын артык туңмавы өчен кирәк. Чөнки каты туңмаган туфрак язын тизрәк өлгерәчәк. ⠀
Корыган үләннәрне һәм туфракның өске катламын алу ул әле корткычлардан котылдым дигән сүз түгел. Шуңа күрә корткыч бөҗәкләргә каршы кулланыла торган препарат сибеп калдырсагыз да яхшы булыр. ⠀
Саклау
Теплицадагы бөтен тузан һәм пычраклардан арыныгыз.
Каркасының ватылган урыннары булса, төзәтегез. Металл детальләрен коррозиядән саклагыч яки буяу белән капларга кирәк.
Тәрәзә, форточка, ишекләре барысы да төзекме? Әгәр төзәтәсе урыннар булса, вакытында эшен бетереп куегыз.
https://vatantat.ru/2021/10/65357/
Фото: https://pixabay.com/ru/
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев