Хезмәт

Дәүләт Думасында халык өчен ирекле Яңа ел каникуллары кертергә тәкъдим иттеләр

Мондый үзгәрешләр бәйрәмнәрдән соң эш графигына җиңелрәк җайлашырга ярдәм итәчәк, дип белдергән инициатива авторы Борис Чернышов.

(Казан, 10 гыйнвар, «Татар-информ»). Дәүләт Думасының Мәгариф һәм фән комитеты рәисе урынбасары Борис Чернышов Россиядә ирекле Яңа ел каникуллары кертергә тәкъдим иткән. Бу хакта «РИА Новости» агентлыгы хәбәр итә.

Парламентарий ачыклык керткәнчә, россиялеләр эшкә 1 гыйнварда чыга алыр, ә калган бәйрәм көннәрендә үзе теләгәнчә ял итәр иде.

«Бу очракта кеше ирекле рәвештә билгеле бер көннәрне чираттагы ялына өсти алачак», - дигән депутат.

Мондый үзгәрешләр бәйрәмнәрдән соң эш графигына җиңелрәк җайлашырга ярдәм итәчәк, дип белдергән инициатива авторы.

Фото: Г.Газизуллина

Реклама
Теги: яллар
Нравится
Поделиться:
Реклама
Комментарии (0)
Осталось символов: