Замана җилләренә ияреп без дә үзебезнең «Хезмәт» сайтын булдырырга ният кылдык.
Хәзер baltaci.ru адресы буенча кереп, район матбугатының яңа саннары белән танышып бару мөмкин булачак. Биредә сез редакциядә эшләүче һәр хезмәткәр һәм район матбугатының каләм ияләре белән күзгә-күз карашып таныша аласыз. «Редакция» дигән сылтамада аларның фотосурәтләре урын алган. Аларга турыдан-туры хатлар да юлларга мөмкин.
Реклама бирүчеләрне дә хезмәттәшлеккә чакырабыз, Аның өчен «Реклама» бүлегенә кереп, өстәмә мәгълүматлар белә, бәяләр белән таныша аласыз. Укучыларның авторларга карата уй-фикерләре, тәкъдимнәре дә сайтта урын алачак. Шулай ук укучыларга теге яки бу язма буенча фикер алышу мөмкинлеге дә тудырыла. Чит төбәкләрдә яшәүче якташлар өчен дә әлеге сайт зур шатлык дияргә кирәк.
