Карбыз бәйрәме

Көзнең матур бер кояшлы көнендә Балтач урта мәктәбенең 6-в педагогик сыйныф укучылары Балтачның Хәләл индустриаль парк каршындагы әти- әниләр көче белән төзеп куелган спорт мәйданчыгында «Арбузник» дип аталган күңелле чара оештырдылар. 

Исеменнән күренгәнчә, чараның төп кунагы- Карбыз иде. Укучылар карбыз турында кызыклы фактлар белән таныштылар. Педагогик сыйныф буларак, кечкенә сыйныф укучылары белән оештырырга мөмкин булган уеннарны үзләре уйнап, ярышып карадылар. 

Бигрәк тә звенолар арасында карбыз кабыкларыннан сүзләр төзү ярышы ошады укучыларга. Туйганчы карбыз ашап, футбол, пионербол, бадминтон уйнап аргач кына өйләргә таралыштылар алар. Көзге сәяхәттән барысы да канәгать иде.