Хөрмәтле райондашлар, районыбыз кунаклары!

Язгы кыр эшләре тәмамлангач, бар тереклекнең уянып, ямьгә төренгәч, бар халык элек-электән бер мәйданга җыелып бәйрәм итә торган булган. Бу күренеш һәр милләт халкына да хас. Удмурт милләтеннән булган райондашларыбыз да елның-елында зурлап үзләренең милли бәйрәме – “Гырон быдтон”ны үткәрә.

Эшкә тырыш, бердәм, милли җанлы удмурт халкын бәйрәмнәре белән ихлас күңелдән тәбрик итәм. Бәйрәм рухы күңелләргә сүнмәс дәрт иңдерсен. Һәр йортка иминлек, сәламәтлек, тормышларында бәхет-шатлыкларның мулдан булуын, хезмәт үрләрендә яңадан-яңа уңышларга ирешүләрен телим. Районыбыз халкы ирешкән уңышларда сезнең дә керткән өлешегез бихисап зур. Киләчәктә дә бергә-бергә, дус-тату булып яшәргә һәм уңышларга ирешеп эшләргә язсын.