Хезмәт

Матур күлмәкләрегезне, "чәпелди"ләрне әзерли торыгыз: Киләсе атнада Татарстанда 20 градуска кадәр җылыта

Синоптиклар бу елның язгы-җәйге чорында уртача янгын куркынычы саклана дип саныйлар.

(Казан, 19 апрель, «Татар-информ», Екатерина Фадеева). Киләсе атнада Татарстанда 15-20 градус җылы көтелә. Бу хакта төбәк Министрлар Кабинетында гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча республика комиссиясе утырышында ТР Гидрометеорология һәм әйләнә-тирә мохитне күзәтү идарәсе башлыгы Сергей Захаров сөйләде.

"24 апрельгә кадәр температура арта барачак. Дүшәмбедән башлап төнге температуралар +1... +6 градуска кадәр күтәреләчәк. Көндез шулай ук +15...+20 градус җылылык булачак», - дип билгеләп үтте Захаров.

Гомумән алганда, синоптиклар фаразлавынча, 2019 елның язгы-җәйге чоры уртача янгын куркынычы сезоны булачак. Уртача айлык һава температурасы һәм явым-төшемнәр саны нормага якынча туры киләчәк. Бары тик июньдә генә явым-төшемнәр нормадан азрак булачак, дип өстәде докладчы.

Киңәшмәдә шулай ук май аеннан июль аена кадәр урман янгыннарының максималь саны көтелә, дип әйтелде.

 

Реклама
Нравится
Поделиться:
Реклама
Комментарии (0)
Осталось символов: