Сөт җитештерү, аны сату авыл хуҗалыгы районы буларак әһәмиятле табыш чыганагы.
Мәсәлән, яхшы гына күрсәткечләре белән сөендерүче «Маяк» җәмгыяте һәркөн саен дәүләткә 8770 килограмм сөт сатып бара. Бу күрсәткеч узган елның шушы көненнән 1720 килограммга артык дигән сүз. Әлеге мактаулы хезмәттә 20-30 еллык тәҗрибәләре булган Рәмзия Ганиева, Фирдания Галләмова һәм Рәсимә Фатыйховалар зур тырышлык куялар. Алар карамагында бүгенге көндә 80 баш савым сыеры бар. Агымдагы елның ике аенда алар 84,8 тонна сөт җитештерүгә ирешкәннәр. Әлеге уңган ханымнарга яңадан-яңа үрләр һәм уңышлар теләп калабыз.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
