Хезмәт

Әмир Шәрәфиев: «Быел миләш аз, андый елда үлем-китем күп булмый»

Яңгул авылында яшәүче Әмир Шәрәфиев әле әбиләр чуагының буласын, кышның салкын килүен кисәтә.

– Быел миләш аз. Елына карап уңыш бирә инде ул. Бездә андый елда үлем-китем күп булмаячак дип әйтәләр иде. Шуңа өметләнеп тору. Ә менә чикләвек күп булды. Димәк, кыш салкын булачак. Быелга кадәр җәйгә ошап кыш килсә, киләсе елдан кыш ошап җәй киләчәк, – ди ул. Халык синоптигыннан әбиләр чуагы булырмы, дип тә сорадык. Була, ди ул. 

– Кешеләр сентябрь башындагы җылы көннәрне әбиләр чуагы белән бутый. Быел җәй соң килде. Шуңа да сентябрь башындагы җылы көннәр аның дәвамы иде ул. Карлыгач җәй беткәч кенә китә. Ул да күптән түгел генә китеп барды. Үземнең күзәтүләрдән чыгып шуны әйтә алам, берничә көн булса да әбиләр чуагы булачак!  

Ул 15 -24 сентябрь көннәре арасында булыр дип уйлыйм.  

Әмир абый быел кышка яхшылап әзерләнергә куша. Чәперчек дигән кош китәргә җыенып йөри. Чын суыклар көтелә, ди ул.

Реклама

Гөлгенә ШИҺАПОВА

Ватаным Татарстан

 

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: