Хезмәт

Нурания Гыйльмуллина "Хезмәт"ле дә, телевизорлы да булды

Бүген Куныр авылында яшәүче бәхетле әбунәчебез - Нурания Гыйльмуллинаны редакциябезгә чакырып, бүләкләдек.

Кичә «Хезмәт» газетасына 2019 елның икенче яртыеллыгына язылучылар арасында телевизор уйнатуыбыз турында хәбәр иткән идек.

Бүген Куныр авылында яшәүче бәхетле әбунәчебез -Нурания Гыйльмуллинаны редакциябезгә чакырып, бүләкләдек.

– Телевизор отарбыз дип уйладыгызмы? Сөенечле хәбәрне ишеткәч, ниләр кичердегез? - дип кызыксындык.
– Отармын дип уйламамадым анысы, әмма бәхетне сынап карау дигән теләк көчлерәк иде, башка райондашлар кебек зур өметләр белән квитанцияне юлладым. Хәбәр, әлбәттә, сөенечле булды, көтмәгәндә-уйламаганда телевизорлы да булып куйдым, бик зур рәхмәт.

Һәркемгә уйламаган җирләрдән мондый дәүләтләр насыйп булсын, тынычлыкта, иминлектә яшик, – ди әңгәмәдәшем.

Нурания апа белән Гыйлемҗан абый Куныр авылының мөхтәрәм кешеләре. Кызганыч, быел Гыйлемҗан абый бакыйлыкка күчте.

“Ялгызлык бик яман, ярый әле газета-журналлар бар, аларны укып юанам. Аеруча, үзебезнең “Хезмәт” газетасын үз итәм. Ә менә җәен кунакка оныкларым кайтты”, ди бәхетле райондашыбыз. Нурания апаның балалары барысы да башлы-күзле: Илшаты Чаллыда, Илһамиясе Арборда, Ирек белән Илзиясе Казанда яши. Әниләренең телевизор отуы турында социаль челтәрләрдән ишеткәч тә, иң беренчеләрдән булып алар котлаган.

Фото: автор

Реклама
Нравится
Поделиться:
Реклама
Комментарии (0)
Осталось символов: