«ӨЧЕНЧЕ БАЛА ӨЧЕН ҖИР БИРЕЛЕРМЕ?»

— Киленемнең беренче баласы туып, 1 айдан үлде. Аннары икенче балаларын алып кайттылар. Анысы өчен Ана капиталын бирделәр. Хәзер өченче сабыйлары туды. Өченче балага җир бирелергә тиеш, дип беләбез. Безнең очракта ничек булыр икән?

Милек һәм җир мөнәсәбәтләре палатасы белгече:
— Хәзер өченче баласы туган бөтен гаиләләргә дә җир бирелми. 2022 елның июленнән үзгәрешләр кертелде: гаиләнең җиргә мохтаҗ икәнлеген исбатлаган белешмә булу кирәк. Шундыйларга гына бирелә. Тагын шул ягы бар: аларга күпбалалы гаилә булуын күрсәткән кенәгә бирелдеме икән? Шушы кенәгә булса, безнең районда теркәлеп яшәсәләр, җиргә мохтаҗ булулары расланса, өченче балаларына бирелә. Килеп консультация алулары, җир бирелергә тиеш дип санала икән, гариза язып китүләре кирәк. Гаиләдәгеләрнең паспорты, СНИЛС, язылышу турында таныклык, күпбалалы гаилә кенәгәсе һәм һәр документның (паспортның прописка бите дә кирәк) копияләрен алып килергә.

Чыганак: https://vk.com/irekmaydani