16нчы декабрь көнне район Советының утырышлар залында алма төшәрлек тә урын юк иде. Чөнки бу көнне бирегә торак шартларын яхшыртырга теләүчеләр җыелды.
Районыбызның төрле авылларыннан килгән гаиләләргә район күләмендә эшләп килүче программалар хакында сөйләнелде. Чарада катнашучылар кызыксындырган сорауларын җиткерә алды, үзләренә туры килгән программаны сайлый алучылар көнендә үк чиратка язылды. Үз йорты белән яшәргә теләүче һәркем әлеге чарадан уңай һәм файдалы мәгълүмат алгандыр дип ышанабыз.
