Күптән түгел Балтач районының саф татар авылыннан йорт сатып алып, күченгән идек. Олыгайган көнебездә авылда яшисебез килде.
Икебез дә ислам дине йолалары буенча яшәүче буларак, татар авылында шундый мохиттер дип уйлаган идек. Тик ялгышкан булып чыктык - рамазан аеның, уразаның беренче көнендә авылда, бездән ерак түгел бер йортта кычкыртып дуңгыз суйдылар, "Кайда эләктек?!" дидек, аптырап. Эчүчелекне әйтәсе дә юк. Яшьләр генә түгел, алпан-тилпән йөргән өлкәннәрне күргәч, шушы да булдымы мөселман авылы дисең. Гомумән, кешеләр арасындагы мөнәсәбәт тә авылча түгел. Әллә кешеләр, әллә хаҗәтләр үзгәргән. Без үскәндәге авыл үткәндә калган икән инде ул. Гомер буе сагындырып, төшләргә кереп йөдәткәнгә, фатирыбызны сатып кайткан идек тә...
Фото: http://nailtimler.com/tatars_in_russia/tatars_ulyanovsk_region.html
