Россия синоптиклары һава торышы җылыну турында сөйләде
Һава температурасының күтәрелүе Идел буе федераль округы төбәкләренә дә кагылачак.
(Казан, 9 октябрь, "Татар-информ"). Россиянең Европа өлешенә салкыннарга алмашка яңа җылыну дулкыны киләчәк. Бу хакта РФ Гидрометеорология үзәгенең кыска вакытлы һава торышы фаразлары бүлеге мөдире Александр Голубев хәбәр итте, дип яза "Российская газета".
"Шул ук вакытта температура күтәрелү салмак булачак", - дип ачыклык кертте белгеч.
Идел буе федераль округында юеш карлы яңгырларга алмашка яңгырлар явып, һава температурасы күтәреләчәк. Идел буе федераль округының төньягында ул төнлә +1...+6 градус җылы, ә көндез +6дан +11 градуска кадәр, көньякта +3тән +8гә кадәр һәм +10 градустан +15 градуска кадәр җылы булачак.
"Татар-информ" мәгълүмат агентлыгы хәбәр иткәнчә, Татарстан синоптикларының фаразлавы буенча, 11 октябрьдә төньяк циклон республикага җил, кыска вакытлы яңгырлар алып киләчәк. Һава температурасы +7... +12 градуска кадәр җылыначак
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев