Хезмәт

Сабан туйлар алдыннан Сезгә бу милли бәйрәмгә багышланган төрле мәкальләр, әйтемнәр җиткерәбез.

Сабан туйга әзерләнәбез

Реклама

● Алышсаң, атаң булса да ек.
● Аргамак алын бирмәс.
● Асылсаң биеккә, егылсаң мәйданга!
● Ишәк белән ат узышмас.
● Аты яман алдан чабар.
● Батыр батыр белән алышыр.
● Батыр бирешсә дә, көрәшмичә мәйданны бирмәс.
● Батыр булсаң, көрәш! Батырлыгыңны мәйданда сынат.
● Беләкле берне егар, йөрәкле меңне егар.
● Егет мәйданда билгеле булыр.
● Егылган егылганны сөяр.
● Егылган көрәштән туймас.
● Егылганны екма, түнгәнне түнкәрмә.
● Егылсаң җиргә ябыш!
● Егылсаң җир күтәрер.
● Җырламас идем, сабантуе җырлата.
● Йөздән йөгерек, меңнән толпар чыгар.
● Олы белән кечене өләшкән белер, көчле белән көчсезне көрәшкән белер.
● Икәү көрәшсә, берәү егар.
● Көрәшә белмәгән егылыр.
● Көрәш корбансыз булмый.
● Көрәшсәң көчлегә чык, егылсаң да һөнәрен отып калырсың.
● Көчең барда көрәшеп кал, җегәрең барда ярышып кал!
● Көч белән көрәшәләр, сол белән егалар.
● Көчле белән көрәшсәң, алдан элек көчең җый.
● Коры көчкә ышанма, көрәшә белмәгән билсез калыр.
● Кызыл йомырка көнендә кыйбат.
● Мин көчле дип аю белән көрәшмиләр.
● Сабантуе сары алтын.
● Сабантуе бер көн, кырык коймак бер тиен.
● Табаны кызганчы тай узар, табаны кызса ат узар.
● Ташбака куянны узган.
● Тимер сандалда, батыр мәйданда чыныга.
● Чабыш аты чапмый түзә алмый.
● Чабышкы алын бирсә, ялын кис!
● Чабышкыга чабышкы янында камчы кирәкми.
● Чабышкы мәйданда чапмый тынмас.
● Чабышкыны камчы чаптырмый, көнчелек чаптыра.
● Чабышкы сабан туен алдан сизә.
● Чабышкы сабан туенда чапмый торса, тамактан калыр.
● Чапкан узар, яткан калыр, йөгергән алыр.
● Яз булгач, торна туган суына, адәм сабан туена.
● Ялгыз атлы ярышчы, яргак тунлы көрәшче.
● Ялгыз чапкан ат йөгерек.
● Яхшы ат бәйгедә үләр.

Чыганак: матбугат.ру

Фото: http://firmamilana.ru/%20/kalendarnyie-prazdniki
Теги: 250
Нравится
Поделиться:
Реклама
Комментарии (0)
Осталось символов: