Сентябрь эссе булачакмы, салкынмы?

Интернет мәгълүматларына ышансаң, сентябрьдә Русиянең Европа өлешендә һава температурасы елдагыдан югарырак булачак, климатик нормалардан тайпылып, җылы, коры булачак икән. Моны инде алдан ук фаразлаганнар иде. Әмма июль, август яңгырлы, салкын булачак дигән фаразлар туры килмәгәнгә, аларга ышанып бетәсе дә килми. Өстәвенә бу көннәрдә фаразларның яңасы да барлыкка килде. Инде хәзер, киресенчә, сентябрь яңгырлы, салкынча булачак, 5 сентябрьдән үк суыта башлаячак, диләр. Хәер, икесенең берсе булачагын гына беләбез бит. Я кояшлы, коры, җылы көннәр яки салкынча, яңгырлы көннәр көтә безне. Бәлки чиратлашырлар да әле...