Хәзерге караклар кәкре каенга терәтүнең нинди генә ысулын кулланмый.
Бигрәк тә алар кармагына өлкәннәр еш эләгә, урта буын вәкилләре дә искәрмә түгел. Бүгенге көндә өлкәннәрнең күбесе пенсияләрен банклардан карта белән ала. Оператор булып, өлкәннәрнең ышанычын аклаган караклар пин-код сорап, тиз арада акча күчүе хакында хәбәр итә. Чегән яки социаль хезмәткәр буларак өйләргә кергән караклар да күпләрне төп башына «утырта». Райондашлар игътибарына шуны ирештерәсе килә. Һәрнәрсәгә сакчыл карашта булып, шикле күренгән кешеләр белән очрашсагыз, кичекмәстән полиция хезмәткәрләренә хәбәр итү сезне мең төрле бәладан саклар.
