Шундый матурлыкны бозарга кемнең пычрак кулы барды микән?

Салкын чишмә турындагы вәхшилекне укыгач, әйтмичә кала алмадым.

Кешеләр, нигә Аллаһтан курыкмыйсыз? Әле күптән түгел берәү интернет челтәрләренә Салкын чишмә видеосын куеп, күпләр сокланган иде. Барлык кеше дә аны барып күрә алмый, рәхмәт. Шундый матурлыкны бозарга кемнең пычрак кулы барды микән?

Юкса аны, халык өчен эшләгәннәр, салкын шифалы суларын эчеп хозурласыннар дип. Ә без кешеләр карап, чиста итеп тотасы урында...

Бер дә килешә торган эш түгел бит, җәмәгать. Өлкәннәр дә, яшьләр дә мәрхәмәтлерәк булыйк. Җир-анабызның матур табигатен мәкальдәгечә, маңгай күзе белән генә түгел, күңел күзе белән дә карап рәхмәт әйтик.

Изге чишмәләребезне дә карап, саклап тотыйк. Үзе изгелек эшләмәгән кеше яхшылык күрми, ул кайчан да булса Аллаһтан җәзасын алачак. Бер- беребезне туганнарча хөрмәт итеп, илебезне-җиребезне яратып, якты дөньяда яшәвебезгә сөенеп, изге гамәлләр генә кылып, Аллаһка шөкер һәм рәхмәтле булып яшик, кардәшләрем!