Район социаль яклау бүлеге хезмәткәрләре мөмкинлекләре чикләнгән кешеләр һәм аларны караучылар игътибарына әһәмиятле мәгълүмат җиткерә: әлеге даирә кешеләренә ел дәвамында билгеле бер вакытларда бушлай махсус техник җайланмалар, култык таяклары, памперслар һәм башка кирәк-яраклар биреп барыла.
Ләкин шушы хезмәтне күрсәтүче Казандагы оешма вәкилләре инвалидларның өйләренә шалтыратып, көнен һәм сәгатен билгеләп, гражданнарны төрле һава торышы шартларында да тиешле урынга килеп, җиһазларны алып китүләрен сорыйлар. Хөрмәтле мөмкинлекләре чикләнгән гражданнар һәм аларны караучылар, әгәр Казаннан товар белән тәэмин итүчеләрдән тагын шундый эчтәлектәге шал тыратулар булса, юл чыгымнары тотып, алар кушкан урынга барып йөрмәгез. Ул оешма вәкилләреннән җиһазларны өегезгә китереп бирүләрен сорагыз, сезнең моңа хакыгыз бар!
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
