Төрлесе
Татарстанда “Уңайлы мохит” программасы буенча 900 объект җайлаштырылган
2018 елда 25 объектта физик мөмкинлекләре чикле кешеләргә уңайлыклар тудырылачак.
(Казан, 30 гыйнвар, «Татар-информ», Динара Сираҗиева). Татарстанда “Уңайлы мохит” программасы буенча 872 объект физик мөмкинлекләре чикле кешеләр өчен җайлаштырылган.
Соңгы җиде елда әлеге юнәлештә беренче чиратта сәламәтлек саклау, социаль яклау һәм мәшгульлек, һөнәри белем бирү, мәдәният объектларында тиешле уңайлылыклар тудырылды. Сәламәтлек мөмкинлекләре чикле кешеләр өчен 1 710 подъездда һәм җәяүлеләр кичешендә, шулай ук начар күрүче инвалидлар яшәгән 30 йортта тиешле чаралар күрелде.
2017 елда “Уңайлы мохит” программасын финанслау 100,5 миллион сумны тәшкил итте, 108 объект адаптацияләнде.
2018 елда 25 объект җайлаштырылачак. Быел финанслау 26,9 миллион сум күләмендә каралган.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев