Карадуган авылында яшәүче, яшь булуына карамастан, бер-бер артлы 5 балага гомер бүләк иткән, кайнана-кайнатасы өчен игелекле килен, тормыш иптәше Булат өчен ягымлы хатын булган - «Себер тракты тарихы һәм Муса Җәлил» музее директоры Фирая Зыятдинова республика күләмендә бара торган «Нечкәбил» бәйгесендә финалга узды.
Ә бәйгенең төп тантаналы чарасы 28нче апрель көнне башкаланың «Пирамида» күңел ачу үзәгендә булачак. Фирая ханымның җиңеп кайтуын теләүчеләр 15нче марттан соң «Конкурс «Нечкәбил» сайтына кереп, үз тавышларын бирә алалар.
