Уяу булыйк!

Реклама

Бу сүзләрне хәзер көн саен ишетәбез, чөнки дөньяның төрле почмакларында террорлык актлары көн дә күзәтелеп, радио-телевидение аларны түкми-чәчми җиткереп тора. Җәйләр җитте, чит илләргә дә ял итәргә йөри башладык. Төрле хәлләр булырга мөмкин. (Була күрмәсен инде ул, берүк!) Шуңа күрә, уңга-сулга карап йөрү хәерле. Урыннардагы ышаныч, кайнар линия телефоннарын алдан ук куен кенәгәсенә, я кәрәзле телефонга теркәп куегыз. Бездә исә алар Татарстан буенча- Эчке эшләр министрлыгыныкы- 02, «Ышаныч телефоны» - (843) 291-20-02, Федераль иминлек хезмәте идарәсенеке- (843) 231-45-55), «Ышаныч телефоны»- (843) 231-45-45, Гадәттән тыш хәлләр министрлыгы идарәсенеке -01, «Ышаныч телефоны» (843) 292-64-09, кәрәзле телефонныкы - 112, 012. Әгәр якын-тирәдә шикле кешеләр күренсә, куркыныч мәгълүматлар ишетелсә, сәер әйберләргә юлыксагыз, кичекмәстән, шушы номерлар аша мөрәҗәгать итәргә кирәк, җәмәгать!