Хезмәт

Яңа ел утреннигыннан соң 4 яшьлек малай үлгән

Ульяновск шәһәрендә балалар бакчасындагы Яңа ел утреннигыннан соң 4 яшьлек бала үзен начар хис итә. Әмма ашыгыч ярдәм фельдшерлары малайны дәваханәгә алып китә алмый

Ульяновск  шәһәрендә балалар бакчасындагы Яңа ел утреннигыннан соң 4 яшьлек бала үзен начар хис итә. Әмма ашыгыч ярдәм фельдшерлары малайны дәваханәгә алып китә алмый,  әнисе рөхсәт итми – ул госпитализациядән баш тарта. Шул ук төнне малайның хәле тагы да начарая, монда инде ашыгыч ярдәм аны хастаханәгә алып китә, әмма соң була.

Ул күп тә үтми йогышлы авырулар дәваханәсендә үлә. Беренчел мәгълүматлар буенча, сабыйда менингококк инфекциясе була, ә ул яшен тизлеге белән үсешә, шуңа да табиблар аны коткарып өлгерә алмый.

Ульяновск өлкәсенең Сәламәтлек саклау министрлыгында малайның үлемен раслаганнар, Мәгариф министрлыгында исә балалар бакчасында тиешле профилактика чараларын үткәргәннәр, дип яза Өмет.

Автор : Әлфия Шакирҗанова
Чыганак: 73online.ru
 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: