Гаилә һәм балаларның хокукларын яклау, гаиләнең социаль-икътисадый торышын яхшырту максатыннан «Наз» халыкка социаль хезмәт күрсәтү үзәге 2010нчы елдан башлап өч төрле республика программасын тормышка ашыру өчен эксперименталь мәйданчык итеп сайланды.
«Участоклардагы социаль ярдәм хезмәте» программасында ассоциаль гаиләләргә ярдәм күрсәтелсә, «Кыерсытусыз балачак» мәктәп, балалар бакчасы, хезмәт коллективларында әти-әниләр өчен тематик лекцияләр, консультацияләр үткәрә. «Өйгә барып визит ясау хезмәте» исә инвалид балаларның һәм аларның әти-әниләренең тормыш сыйфатын яхшырта. Программаларны тормышка ашыруда Рәсәй фондыннан 400 мең сумга якын акчага тернәкләндерү җиһазлары, камилләштерү уеннары, ноутбук бирелгән.
