Яшьтәшләр

Яшьтәшләр булып чыктык, икебез дә июнь аенда ике генә атна аерма белән дөньяга килгәнбез. Хәрби хезмәтебез дә янәшәдә генә узган. 1970нче елның язында бер-бер артлы Коркачык аэродромында хәзерлек үтеп, самолетлардан сикергәнбез. 1971нче елның язында ул Литва җиреннән «учебка»дан киткәндә аның урынын мин алыштырганмын. Төп хезмәт итү урыннарыбыз гына аерым булган. Мин Фирганә дивизиясендә хезмәт итсәм, ул хезмәтен Тула дивизиясендә төгәлләгән. Үзем белән тагын ике яшьтәшем, десантчы дусларым Чепьядан Таһир Гаязов һәм Биктәштән Борис Романовларның да юбилей елы. Таһир белән «гражданкайда икебез бер үк самолетлардан сикерсәк, Борис белән «учебка»ны бергә бер үк гарнизонда янәшә казармаларда гына үттек.
Яшьтәшләремне 60 яшьлек юбилейлары, ә барлык десантчы дусларымны һава десанты гаскәрләренең 82 еллыгы белән котлыйм! Ходай барыгызга да нык тазалык, гаилә бәхете, хәерле озын гомер насыйп итсен. Мәрхүм булган десантчыларның гаиләләренә исә Ходай сабырлык бирсен дигән теләктә калам.