Хезмәт

Закон бозсаң — штраф!

6 июнь көнне район башкарма комитеты каршындагы чисталык комиссиясе чираттагы утырышка җыелды. Бирегә бу көнне РТ административ хокук бозу турындагы кодексның 3.6 маддәсе буенча җаваплылыкка тартылучылар чакырылды.

Үзе яшәгән йорт-җир тирәсен уңайлыкларын бозучылар, табигатьне пычратучылар үзләренең гаепсезлеген дәлилләргә тырыштылар. Түбән Кенә авылыннан Зөһрә Ибраһимова төзелеш материалларын капка төбенә куюның сәбәбе урын юклыкта, дип аңлатты. Әмма фото-сурәтләрдән күренгәнчә, Зөһрә ханымның сүзләрендә хаксызлык бар.


Кенәбаш авылыннан килгән Мансур Вәлиуллин гаебен таныды һәм җитешсезлекләрне төзәтү эше башланды дип белдерде. 3 балалы гаиләдә бердәнбер табыш китерүче бу ирнең хәленә кермичә калу мөмкин түгел иде һәм комиссия аның эшен кабат каралуга куйды.

Реклама


Кенәбаш елгалыгына чүп ташлаган һәм авыл советының кисәтүләренә игътибар итмәгән Галимуллин, Шәрәфиев, Исмәгыйлев гаиләләре табигатьне пычратудан туктасыннар һәм гаепләрен танысыннар иде.


Бу көнне килүчеләргә 2000 күләмендә (минималь сумма) штраф салынды. Йорт-җир тирәсен, капка төбен, су буйларын тәртиптә тоту - һәркемнең кулыннан килә торган эш, югыйсә.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: