Хезмәт

Яңа ел табынына кызыл уылдык эзлисезме?

Аны алганда алданмас өчен берничә киңәшкә колак салыгыз.

Бәйрәм табынында кызыл уылдыктан бик тәмле бутербродлар булсын, дисәгез, уылдыкны дөрес сайлагыз. Кайвакыт банканы ачып җибәргәч тә начар ис тарала, ә эчендә укмашкан нәрсә була. Шулай булмасын өчен кибеттә калай банканы, барыннан да элек, селкетеп карарга кирәк. Банка эчендәге уылдык йөреп торырга тиеш түгел, яхшы уылдыклы банка бернинди тавыш та чыгармый.

Калай банкадагы уылдыкны саклау вакыты капкачында кабарып торган саннар белән билгеләнергә тиеш, ә нинди дә булса башка язу белән түгел.

Традицион балык тоту урыннарында — Камчатка һәм Сахалинда җитештерелгән “ГОСТ” маркировкалы уылдыкны сайлау яхшырак. Шулай булса, уылдыкның туңдырылган чималдан әзерләнүе ихтималын киметәсез.

Беренче сортлы уылдык яхшы сыйфатлы була. Аны тоту белән үк тозлыйлар. Мондый уылдыктан бары тик тәмле тозлы балык исе килә.

Ачылмаган банкада кызыл уылдыкны саклау вакыты — 1 ел. Һава температурасы +2дән +4 градуска кадәр булырга тиеш, дип яза Кызыл таң.

 

Фото: pixabay.com/ru
Автор:Зөлфия Фәтхетдинова

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: