Хезмәт

Мунчада ис тигән кешегә ничек ярдәм итәргә?

Соңгы чорда мунчада сөрем газы исенә агуланган кешеләр турында хәбәрләр еш күзгә чалына башлады. Чыннан да, кышкы мунчаның аерым кагыйдәләре бар. Ә зыян күрүчегә ничек ярдәм итәргә?

Иң элек, кешене һавага алып чыгып, мунчаны җилләтергә кирәк. Зыян күрүчене коткарганда үзегезгә дә зыян килмәсен өчен марля яисә кулъяулык аша сулагыз.

Саф һавага алып чыккач, ис тигән кешене аякларын бераз өскә күтәртеп яткырырга кирәк. Кеше аңында булса, организмдагы агулы матдәне юдыру өчен аңа мөмкин кадәр күбрәк сыеклык эчерергә кирәк. Бу очракта чәй белән каһвәдән дә яхшысы юк. Соңгысының составындагы кофеин кан әйләнешен яхшырта.

Кеше үз аңында булмаса, аны косканда тончыкмаслык һәм теле артка китмәслек итеп яткырырга тырышыгыз. Аннары аны, нашатырь спирты иснәтеп, аңына китерергә, чигәләрен уарга кирәк. Агуланучының күкрәгенә салкын суга манылган чүпрәк куеп торсаң да кан әйләнеше яхшырачак.

Кеше суламаса, кичекмәстән беренче ярдәм күрсәтергә кирәк; «ашыгыч ярдәм» чакыртыгыз. Мондый мөмкинлек булмаса, кешенең хәле бераз яхшыруга аны дәваханәгә үзегез алып барыгыз, дип яза Кызыл таң.

 

Фото: pixabay.com/ru

Автор: Резида Валитова

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: